Saltar navegación. Ir directamente al contenido principal (Tecla de acceso S)

Fundación Princesa de Asturias

Sección de idiomas

Fin de la sección de idiomas

Buscar

Sección de utilidades

Contacto

Empleo

Fin de la sección de utilidades

  • Síguenos en:
#PremiosPrincesadeAsturias
Comienza el Menú secundario Fin del Menú Secundario

Está usted en:

  1. Premio al Pueblo Ejemplar de Asturias |
  2. Reglamento 2023 |
  3. Reglamentu (asturiano) 2023

Reglamentu (asturiano) 2023  

Comienza el contenido principal

La Fundación Princesa d’Asturies convoca’l Premiu al Pueblu Exemplar d’Asturies.
El premiu va concedese al pueblu, llugar, nucleu de población, espaciu paisaxísticu o grupu humanu del Principáu d’Asturies que destacare de manera notable na defensa y caltenimientu de la so contornada natural, ambiental, del so patrimoniu históricu, cultural o artísticu, n’iniciatives d’impulsu económicu y social o na realización d’obres a comuña o otres manifestaciones de solidaridá sobresalientes.

Artículu 1. Presentación de candidatures

Van poder presentar propuesta razonada de candidatos les instituciones, centros culturales, asociaciones de vecinos, entidaes, empreses, amás de los ciudadanos que quieran.

Los miembros del xuráu nun van poder presentar candidatures.

Artículu 2. Forma y plazos de presentación

Les candidatures van poder unviase, desque se complete’l formulariu oficial, disponible na páxina web de la Fundación (www.fpa.es ):

  • Al corréu electrónicu , añediendo nel asuntu: Candidatura Premiu Pueblu Exemplar.
  • Per corréu certificáu (c/ Plácido Arango Arias, 2 - 33004, Uviéu-Asturies).
  • Puen presentase nel domiciliu social de la Fundación (c/ Plácido Arango Arias, 2, Uviéu).

El plazu de presentación de candidatures va quedar zarráu’l día 13 de xunetu del 2023 a les 14:00 hores.

Artículu 3. Documentación necesario

La documentación qu’ha incluyise na presentación de cada candidatura, acompañando al impresu oficial,ye:

  1. Propuesta formal, esplicando les razones poles que se presenta la candidatura.
  2. Documentación sobre’l pueblu, llugar, nucleu de población, espaciu paisaxísticu o grupu humanu propuestu.

Puen acompañase tamién, si ye menester, apoyos y adhesiones a la candidatura y, en xeneral, tolos datos y información qu’abulten afayadizos pa fortalecer la propuesta. El plazu d’unviu de los apoyos y adhesiones va quedar zarráu tamién el día 13 de xunetu del 2023 a les 14:00 hores.

Artículu 4. Candidatures

Les candidatures que nun cumplan los requisitos anteriores nun van almitise.

La Fundación Princesa d’Asturies nun tien correspondencia sobre la documentación recibío nin lo vuelve.

Artículu 5. Xuráu

CÓDIGU DE CONDUCTA

Los xuraos tán suxetos al Códigu de conducta de la Fundación Princesa d’Asturies, qu’espresa’l compromisu de la institución con un comportamientu éticu en tolo rellacionao cola so actividá.

DESIGNACIÓN Y CONSTITUCIÓN

  1. El xuráu nómalu anualmente la Fundación Princesa d’Asturies d’alcuerdu colos criterios aprobaos pol so Patronatu.
  2. Cada xuráu va tener un presidente y un secretariu. Dambos, con voz y votu, nómalos enantes la Fundación Princesa d’Asturies.
  3. El presidente organiza y dirixe les deliberaciones y les votaciones. El secretariu mira pol cumplimientu del reglamentu.

Artículu 6. Deliberaciones de los xuraos

  1. Pa participar nes votaciones que se faigan, los integrantes del xuráu han tar presentes dende’l momentu mesmu de la so constitución hasta la votación final.
  2. Les deliberaciones que los xuraos lleven a cabu son secretes.
  3. Los xuraos han obrar en tou momentu con independencia, ecuanimidá y rigor.
  4. El votu ye indelegable.
  5. Les candidatures presentaes nun se van poder camudar en nengún sentíu.
  6. El votu ha espresase siempre en sentíu positivu, promoviendo hasta la fin la elección socesiva de la candidatura preferida pola mayoría.
  7. El premiu va otorgase namás a una candidatura y por mayoría. El presidente va tener votu de calidá en casu d’empate.

La Fundación Princesa d’Asturies tien potestá p’ampliar, modificar o matizar los procedimientos equí descritos, comunicándolo al traviés de la so páxina web (www.fpa.es ), si concurrieren causes de fuercia mayor qu’impidieren llevar a efectu les equí espuestas coles garantíes necesaries.

Artículu 7. Dotación

El Premiu al Pueblu Exemplar d’Asturies consta d’un diploma y una dotación en metálico de venticinco mil euros (25.000 €).

Fin del contenido principal

Sección de utilidades

Fin de la sección de utilidades

PDF Accesible

© Copyright 2023. FUNDACIÓN PRINCESA DE ASTURIAS

  • Casa de S.M. El Rey
  • Fundación Príncipe de Girona
  • Fundación Reina Sofía